UEFA Nation League/ Kuqezinjtë nisin përgatitjet, Kombëtarja zhvillon seancën e parë stërvitore përpara ndeshjes me Bjell

Kombëtarja shqiptare ka nisur zyrtarisht grumbullimin në Tiranë, në kuadër të sfidave të radhës në Ligën e Kombeve.

Kuqezinjtë zhvilluan sot seancën e parë stërvitore nën drejtimin e trajnerit Rolando Maran.

Futbollistët u mblodhën në kryeqytet dhe iu drejtuan “Shtëpisë së Futbollit”, ku zhvilluan edhe stërvitjen e parë të këtij grumbullimi.

Seanca e parë u fokusua kryesisht te përgatitja fizike. Stafi teknik zgjodhi një ngarkesë të kontrolluar, duke marrë në konsideratë faktin se lojtarët vijnë pas angazhimeve me klubet e tyre, ndërsa disa prej tyre kanë pasur edhe udhëtime të gjata për t’iu bashkuar ekipit kombëtar.

Për trajnerin Maran, ditët e para të grumbullimit do të shërbejnë për të rikuperuar lojtarët dhe për t’i përgatitur gradualisht për sfidat zyrtare.

Kuqezinjtë kanë përpara një kalendar të ngjeshur, me katër ndeshje brenda dy javëve.

Shqipëria do të përballet me Bjellorusinë, Finlandën dhe San Marinon, me ekipin kuqezi që do të luajë dy herë kundër përfaqësueses së San Marinos.

Kjo është një periudhë e veçantë për Kombëtaren, pasi kalendari i ndeshjeve sjell një numër të lartë takimesh brenda një kohe relativisht të shkurtër.

Stafi teknik do të synojë të menaxhojë sa më mirë energjitë e futbollistëve, ndërsa fokusi do të jetë te përgatitja për secilën prej sfidave që presin kuqezinjtë.

Grumbullimi në Tiranë do të vijojë gjatë ditëve në vazhdim, me Kombëtaren që do të intensifikojë përgatitjet për ndeshjen e parë.