Uellsi e nisi me fitore në Euro 2016, mposhti Sllovakinë 2:1

Uellsi e ka nisur me fitore aventurën në Euro 2016, pasi mposhti 2:1 Sllovakinë. Ka përfunduar edhe sfida e tretë e Kampionatit Evropian, ku Uellsi i përball me Sllovakinë në kuadër të Grupit B.

Uellsi i udhëhequr nga Gareth Bale, mori tri pikë shumë të rëndësishme që në start të Euro 2016, duke triumfuar 2:1 ndaj Sllovakisë.

Serin e golave e hapi ylli i Real Madridit, Gareth Bale, që shënoi një gol të bukur në minutën e 10’të, për rezultatin 1:0, që doli të ishte ai përfundimtarë i pjesës së parë.

Në pjesën e dytë, pas disa sulmeve të vazhdueshme, Sllovakia gjeti golin e barazimit përmes Ondrej Duda, që shënoi për 1:1 në minutën e 61’të.

10 minuta pa përfunduar ndeshja, Hal Robson-Kanu shënoi me kokë për ta rikthyer epërsinë dhe për t’i rrëmbyer tri pikë shumë me vlerë në ndeshjen e parë të Euro 2016.

Ndeshja tjetër e këtij grupi, ajo në mes të Rusisë e Anglisë, zhvillohet sonte duke filluar nga ora 21:00.