Uji në Strugë shpallet i papijshëm: turbullira mbi kufirin e lejuar, lejohet vetëm për përdorim teknik
Ndërmarrja publike "Ujësjellës dhe Kanalizim" në Strugë njoftoi se uji në territorin e komunës momentalisht nuk është për pije, për shkak të turbullirës së rritur në rrjetin e qytetit.
Uji i pijshëm në territorin e komunës së Strugës është shpallur i papijshëm, siç njofton Fokus, duke iu referuar njoftimit të ndërmarrjes publike “Ujësjellës dhe Kanalizim” në Strugë. Sipas njoftimit, uji në rrjetin e qytetit momentalisht nuk është për pije, për shkak të turbullirës së rritur.
Sipas njoftimit të JP “Ujësjellës dhe Kanalizim” në Strugë, turbullira në pikat matëse të qytetit lëviz nga 1,52 deri në 1,8 NTU, ndërsa kufiri i lejuar është 1,5 NTU. Matjet e detajuara tregojnë se në Spitalin e Përgjithshëm turbullira është 1,8 NTU, te Makpetrol 1,64 NTU, në kopshtin “Sonce” 1,62 NTU dhe në Institutin e Nefrologjisë 1,52 NTU.
Në fshatin Vranishta turbullira ka arritur 1,89 NTU, ndërsa në fshatin Belica është matur 1,42 NTU. Ndërkohë, vetë burimi “Shum” ka matur 0,89 NTU.
Qytetarëve u kërkohet të mos e përdorin ujin për pije deri në një njoftim të mëtejshëm. Uji mund të përdoret vetëm për qëllime teknike.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.