UKRAINË – Zelensky: 25 viktima nga sulmet ruse, mes tyre pesë fëmijë

KIEV, 7 tetor /ATSH-ANSA/ – Presidenti ukrainas, Volodymyr Zelensky, deklaroi sot në mbrëmje se të paktën 25 persona kanë humbur jetën si pasojë e sulmeve ruse në Ukrainë gjatë ditës së sotme, ndërsa rreth 100 të tjerë kanë mbetur të plagosur.

Sipas Zelenskyt, 19 persona, mes tyre pesë fëmijë, u vranë në qytetin Pryluky, pas goditjes së një ndërtese nga një raketë ruse ”Kh-101”.

“Gjatë gjithë ditës kanë vijuar punimet për largimin e rrënojave pas sulmit me raketë ruse në Pryluky”, deklaroi Zelensky në një mesazh të publikuar në rrjetet sociale.

Presidenti ukrainas u bëri thirrje liderëve ndërkombëtarë dhe vendeve aleate të mos heshtin përballë sulmeve, duke pretenduar se Rusia synon përshkallëzimin e konfliktit.

Bilanci mund të ndryshojë ndërsa vijojnë operacionet e kërkim-shpëtimit dhe verifikimi i viktimave./ a.jor.