Upamecano vlerëson shokun e skuadrës: Ai mund të bëhet legjendë dhe të fitojë Topin e Artë

Ka qenë një sezon për t’u mbajtur mend për Michael Olise, një lojtar kyç i Bayern Munich. Anësori francez sulmues, po kalon një vit të jashtëzakonshëm, me shifra që flasin vetë: 16 gola dhe 28 asiste në 40 paraqitje.

Shifra këto që e bëjnë atë një nga lojtarët më vendimtarë të Evropës. Performancat e tij nuk po kalojnë pa u vënë re, as nga njerëzit e brendshëm dhe as nga shokët e tij të ekipit. Ndër më entuziastët është Dayot Upamecano, i cili foli me entuziazëm për bashkatdhetarin e tij, duke parashikuar një të ardhme për të si një legjendë e futbollit. “Ai mund të bëjë diferencën në çdo kohë”, shpjegoi mbrojtësi.

“Ai është një lojtar i jashtëzakonshëm, por mbi të gjitha, ai është tepër i uritur. Jashtë fushës, ai është një person si unë, është një punëtor i palodhur. Një talent i pastër, por mbi të gjitha një punëtor i palodhur: cilësi që mund ta çojnë atë në majën absolute të futbollit botëror”, tha Upamecano.

Ai madje bën një referencë ambicioze për Topin e Artë: një qëllim që mund të duket i largët sot, por që, nëse vazhdon në këtë rrugë, mund të bëhet realitet në vitet që vijnë: “Nëse vazhdon kështu, mund të bëhet një legjendë e futbollit. Topi i Artë? Në të ardhmen, po.”