Vangjeli: Duhet dialog me protestuesit dhe adresimi i shqetësimi kryesor të tyre, rishkrimi i Kushtetutës

Analisti Lorenc Vangjeli ka theksuar rëndësinë e dialogut dhe adresimit të kërkesave të qytetarëve, ndërsa shtoi se ruajtja e karakterit paqësor të protestës do të jenë përcaktuese për ecurinë dhe fatin e saj.

Ai theksoi se një nga prioritetet urgjente është adresimi i shqetësimeve kryesore të protestuesve, përfshirë rishkrimin e Kushtetutës dhe “rithemelimin e Republikës”.

Në emisionin “Trialog” në RTSH, Vangjeli argumentoi se vendi ndodhet në një situatë të hipokrizisë kushtetuese, ku ligji është i shkruar ndryshe, zbatohet ndryshe dhe interpretohet ndryshe.

“Në Gjermani, Rama tha atë që duhej, se duhet të dëgjohet arsyeja e protestuesve dhe të zhvillohet dialog me ta. Fakti që po vijnë muajt e pushimeve dhe nëse protesta devijon nga fryma krejtësisht paqësore, do të përcaktojë edhe fatin e saj.

Urgjencë është adresimi i shqetësimeve kryesore të protestuesve, si reforma zgjedhore, e cila mund të negociohet. E dyta, që është më e rëndësishme se gjithçka tjetër, është se ky vend ka nevojë për rishkrimin e Kushtetutës dhe rithemelimin e Republikës, e cila aktualisht ndodhet në një hipokrizi kushtetuese: ndryshe është e shkruar, ndryshe zbatohet dhe ndryshe interpretohet, për të bërë të mundur dobësinë themelore të vendit sot, që është mungesa e ndarjes dhe balancimit më të qartë të pushteteve”, tha Vangjeli.