Vdes ish-presidenti, Eduard Chevardnadze

Ish-ministri sovjetik i Punëve të Jashtme dhe ish-presidenti gjeorgjian, Eduard Chevardnadze vdiq sot në moshën 86-vjeçare pas një sëmundjeje të gjatë, konfirmoi një prej të afërmve.
Ish-drejtuesi gjeorgjian, i cili hyri në byronë politike të Partisë Komuniste të ish-Bashkimit Sovjetik nën drejtimin e Leonid Brejnev, Eduard Chevardnadze ishte një prej figurave kryesore të ”glasnost”, ”perestroikës” dhe ”mendimit të ri” politik përkrah Mikhail Gorbatçov, lideri i fundit sovjetik.
Pas rënies së Bashkimit Sovjetik, Shevardnadze u rikthye në Gjeorgji duke marrë postin e presidentit të vendit në vitin 1992 deri në vitin 2003, vit në të cilin dha dorëheqjen pas manifestimeve kundër pushtetit.