Vdes Siegfried Lenz shkrimtari i madh i pasluftës

Shkrimtari i madh gjerman i pasluftës, Siegfried Lenz vdiq në moshën 88-vjeçare, njoftoi shtëpia botuese ”Hoffmann und Campe”.

I lindur në vitin 1926 në Lyck, rajon i Prusisë Lindore, Siegfried Lenz është autor i shumë romaneve si edhe i shumë tregimeve të shkurtra, shtuar këtu ese, pjesë radiofonike dhe teatrale.

Libri i tij më i njohur është “Mësimi i gjermanishtes” (1968), që trajton mënyrën sesi nazizmi futet në shpirtrat e njerëzve.

Djalë i një oficeri dogane, Siegfried Lenz u fut në marinën gjermane në vitin 1944.

Pak para mbarimit të luftës, ai dezertoi në Danimarkë.

Me mbarimin e luftës, ai studjoi filozofi, anglisht dhe histori letërsie në Universitetin e Hamburgut.

Ndërpreu studimet dhe filloi punë në gazetën konservatore gjermane ”Die Welt”. Nga viti 1951, Lenz filloi punë si shkrimtar i pavarur në Hamburg