Venecia në foto 170 vjet më parë, kur nuk shkelte asnjë turist

Sheshi “San Marco” i “shkretuar”, Ca’d’Oro në fazë restaurimi, thuajse asnjë barkë në Kanalin e Madh: kështu paraqitej Venecia 170 vjet më parë.

Disa foto të bëra mes vitit 1840 dhe 1850, tregojnë një qytet të qetë siç nuk është parë asnjëherë më parë, pa hijen e as një turisti. Dhe të mendosh që sot, mesatarisht, janë 10 milionë vizitorë që çdo vit mbushin qytetin më të famshëm në botë.

Foto në ngjyrat bardh e zi, të zbuluara në një ankand në Mbretërinë e Madhe në vitin 2006, janë në pronësi të kritikut të artit, John Ruskin.