Veseli: Diasporën ta kthejmë ndër faktorët më të rëndësishëm të zhvillimit ekonomik të Kosovës

Kryetari i Kuvendit të Republikës së Kosovës, Kadri Veseli, falënderoi sot bashkatdhetarët, të cilët në kuadër të aktivitetit “Bashkatdhetarët në Kuvend”, për dy ditë rresht vizituan ndërtesën e legjislativit.

Në një postim në rrjetin social Facebook, Veseli theksoi se “falënderojmë të gjithë bashkatdhetarët që vizituan Kuvendin e Republikës së Kosovës gjatë dy ditëve të fundit. Ne takuam qindra bashkatdhetarë, që me zemër janë të lidhur me Kosovën, me të arriturat e dhe zhvillimet e saj. Për këto dy ditë, gjatë takimit me ta, dëgjuam shumë propozime, vërejtje e sugjerime për mbarëvajtjen jo vetëm të Kuvendit por edhe institucioneve tjera”.

“Të gjitha këto do të jenë pjesë e politikës sonë shtetërore që mërgatën tonë ta kthejmë në njërin ndër faktorët më të rëndësishëm të zhvillimit ekonomik të Kosovës dhe integrimit evropian të saj”, thuhet në falënderimin e kryetarit Veseli”, tha Veseli.