VIDEO/ Skandal në futbollin brazilian, sulmuesi vihet në hetim për trafik droge dhe armësh!

Futbolli brazilian ishte në qendër të një operacioni të rëndësishëm policor këtë të hënë, pasi autoritetet zhvilluan një sërë kontrollesh në vende të ndryshme për të hetuar një organizatë të dyshuar si të lidhur me trafikun e drogës dhe armëve.

Mes personave të përfshirë në hetim ishte edhe David Corrêa da Fonseca, sulmues i Vasco da Gamës në Brazil.

Sipas O Globo, futbollisti, i njohur me nofkën DVD, ishte një nga objektivat kryesorë të forcave të sigurisë. Agjentët kontrolluan banesën e tij në Rio de Janeiro, ku sekuestruan telefona celularë dhe dokumente që mund të ofrojnë prova të vlefshme për hetimin.

Operacioni preku drejtpërdrejt edhe Vasco-n, pasi Policia Civile zhvilloi një kontroll në qendrën stërvitore të klubit nga Rio de Janeiro.

David Corrêa, jogador do Vasco, é alvo de buscas por tráfico de armas e drogas https://t.co/6zf0VjJIvX #g1 pic.twitter.com/vNS5UmP0dh

— g1 (@g1) August 31, 2026