Video/ Sulmohet në Kanë ‘Miss Venezuela 2025’, publikon fytyrën e mbuluar me gjak

Një video shokuese e publikuar në rrjetet sociale nga Miss Venezuela 2025, Andrea del Val, po bën xhiron e internetit në orët e fundit.

Në video, ajo denoncon se është sulmuar brutalisht nga stilisti i njohur Giovanni Laguna brenda një hoteli në Kanë.

29-vjeçarja shfaqet në video me gjak që i rrjedh nga fytyra, ndërsa filmon me telefonin e saj dhomën e hotelit, e cila duket në gjendje kaosi, me mobilie dhe sende të shpërndara në dysheme.

Në të njëjtën video shihet edhe stilisti 33-vjeçar i ulur në dhomë, ndërsa ajo, dukshëm e tronditur, thotë:
“Shikoni çfarë më bëri Giovanni Laguna. Urime Giovanni, këtë doja, që t’u tregoje të gjithëve se kush je në të vërtetë.”

Videoja e publikuar nga modelja 29-vjeçare:

🚨🇻🇪 Miss Venezuela Andrea del Val was brutally attacked in her Cannes hotel room.

Celebrity stylist Giovanni Laguna allegedly stabbed her in the face with scissors during the film festival.https://t.co/MJPhdh9Yio https://t.co/vFuun2ez6s

— Mario Nawfal (@MarioNawfal) May 22, 2026

Sipas mediave ndërkombëtare, klientë të hotelit luksoz njoftuan policinë pasi dëgjuan britma, goditje dhe zhurma të forta që vinin nga dhoma.

Andrea del Val raportohet se mori menjëherë ndihmë mjekësore për plagët e saj, ndërsa pak më vonë u publikua edhe një video ku shihen policë duke shoqëruar Giovanni Laguna jashtë hotelit në Kanë.

#AHORA | 📌 El diseñador y estilista venezolano Giovanni Laguna habría sido detenido en la ciudad de Cannes.

Según los primeros informes, el arresto se efectuó tras un altercado físico en el cual Laguna habría agredido a la Miss Venezuela Global 2025, Andrea del Val.
Vía… pic.twitter.com/M0X3aNkL4k

— Por la calle del Medio (@plcdelmedionews) May 20, 2026

Deri tani, autoritetet franceze nuk kanë njoftuar nëse janë ngritur akuza, ndërsa çështja mbetet ende nën hetim.

Giovanni Laguna prej vitesh është aktiv në industrinë e modës dhe konkurseve të bukurisë në Amerikën Latine, ndërsa që nga viti 2023 mban postin e drejtorit kreativ të Miss Universe Colombia.

/tvklan.al