Vijojnë sulmet ndaj ambasadorëve, dhëndri i Berishës shpërndan montazh të diplomatëve me Jeffrey Epstein

Pas sulmeve që Sali Berisha lëshoi ditët e fundit ndaj Ambasadorit të BE në Tiranës, Silvio Gonzato, vjen një tjetër sulm, por kësaj radhe nga dhëndri i tij, Jamarbër Malltezi.

Malltezi ka publikuar në faqen e tij në Facebook një foto nga një shkrim denigrues me titull: “Diplomatët e huaj, kolegët e Epsteinit në Shqipëri, një tufë pushtësh”, i botuar në janar të këtij viti, kundër ambasadorëve që kanë shërbyer ndër vite në Tiranë.

Veç ambasadorit Gonzato, në fotomontazh janë vendosur edhe ish ambasadorët e SHBA-ve, Donald Lu dhe Yuri Kim, e po ashtu edhe ish ambasadorja e BE, Romana Vlahutin. Mes ambasadorëve është vendosur edhe një foto e pedofilit Jeffrey Epstein, çka e bën edhe më të rëndë sulmin.

Secilin prej ambasadorëve në foto, Sali Berisha i ka sulmuar ashpër gjatë kohës kur kanë shërbyer në Tiranë./TemA