Vjedhja e thesarit të BSH-së, Prokuroria: 3 vite burg për Elivar Golemin
Prokuroria kërkon 3 vjet burg për ish-kryeinspektoren e Përgjithshme të Bankës së Shqipërisë, Elivar Golemi. Kjo e fundit akuzohet për veprën penale ‘shpërdorim detyre’.
Ish-kryeinspektorja e Përgjithshme e Bankës së Shqipërisë bashkë me 4 ish-zyrtarë të tjerë Emiljano Lamce, Ilir Dedja, Mehdi Molla , Petrit Ramohitaj, akuzohen për “shpërdorim detyre” në lidhje me skandalin e Thesarit, pas vjedhjes së 713 milionë lekëve në 2014.
Ish-inspektorja Elivar Golemi u arrestua mbrëmjen e 5 shtatorit të 2016-ës.
Pas qëndrimit në qeli për rreth 2 muaj, u vendos që Golemi të gjykohej e lirë.
Ndërkohë, ish-Inspektorja e Golemi ka deklaruar se është e pafajshme.
Në fund të korrikut të vitit të 2014-ës u konstatua se nga thesari i shtetit mungonin 713 milionë lekë.
