Vrasja e Martin Canit nga bashkëmoshatari, shtyhet marrja e vendimit për Mario Përlleshajn

Është shtyrë vendimi për Mario Përlleshajn, autori i akuzuar i vrasjes së Martin Canit.

Vendimi është shtyrë për shkak se mungonte njëri nga anëtarët e trupës gjyqësore të Apelit, teksa vendimi ishte i pamundur të shpallej.

Në dhjetor të 2025, Gjykata e Shkallës së Parë, ka dënuar me 16 vite burg, Mario Përlleshaj për vrasjen e Martin Canit.

Mario Perlleshaj u dënua me 12 vite për vrasjen e Martinit dhe 10 vite për tentativën e vrasjes së Luisit, por në bashkim të dënimeve përfundimisht u dënua me 16 vite heqje lirie.

Përlleshaj, u shpall fajtor për vrasje në rrethana të tjera cilësuese ndaj Martin Canit, si dhe fajtor për vrasje në rrethana të tjera cilësuese mbetur në tentativë ndaj Luis Meçes.