Vrasje në Durrës

Një ngjarje e rëndë ka tronditur qytetin e Durrësit gjatë orëve të para të ditës, ku një 54-vjeçar është gjetur i vdekur në oborrin e banesës së tij.

Kanë qenë familjarët e tij të cilët kanë gjetur trupin e pajetë, e më pas kanë lajmëruar forcat e policisë. Ngjarja e rëndë është shënuar në fshatin Shkallë të Durrësit, njoftojnë medie nga Tirana.

Sipas informacioneve paraprake, viktima është Mirosh Djaloshi, ish-kryeplaku i fshatit.

Pas ekzaminimeve të para rezulton se 54 vjeçari ka plagë në kokë pasi ishte goditur me sende të forta.

Uniformat blu kanë nisur hetimet dhe po punojnë për identifikimin dhe kapjen e autorit. Dyshimet e para janë se ngjarja mund të ketë qenë grabitje me pasojë vdekjen.