Vrau shoferin, ekstradohet shqiptari në Angli

Tre muaj pasi u arrestua në Tiranë është ekstraduar drejt Mbretërisë së Bashkuar, një 34-vjeçar, i cili ndodhej në kërkim ndërkombëtar.

Shtetasi me iniciale A.Sh, sipas policisë së shtetit kërkohet për vrasje në qytetin e Gravesend, në veriperëndim të Kentit, Angli.

I riu shqiptar dyshohet se në bashkëpunim me persona të tjerë vranë një shofer letonez, në 12 gusht të vitit të shkuar.

Vladimir Perminovs u vra me thikë, teksa për ngjarjen u arrestuan edhe tre persona të tjerë.

Njëri prej tyre akuzohet se ka ndihmuar shqiptarin të arratiset nga Ketni, drejt Londrës me qëllim që ti fshihej autoriteteve.

Më pas ai është larguar nga Mbretëria e Bashkuar, deri sa u arrestua në 13 shkurt të këtij viti në Tiranë.

Shtetasit me iniciale A.Sh iu caktua masa e sigurisë arrest në burg në mungesë në 15 janar të këtij viti, për veprën penale të vrasjes sipas legjislacionit penal të mbretërisë së bashkuar.

Klan News

/tvklan.al