Zaev: Ose mbeshtetje ne parlament, ose zgjedhje te reja!
Kryeministri Zoran Zaev sonte deklaroi se është zbatuar referendum i qetë dhe demokratik dhe se nëse shumica e dukshme e qytetarëve kanë votuar “për” atëherë vullneti duhet të zbatohet në shtëpinë ligjdhënëse, ndërsa në të kundërtën do të organizohen zgjedhje të parakohshme parlamentare.
“Vullneti i atyre të cilët kanë votuar në këtë referendum konsultativ duhet të shndërrohet në aktivitet politik në shtëpinë ligjdhënëse. Nëse në të vërtetë siç presim të gjithë kemi shumicë të madhe të dukshme “për” nga ata që kanë votuar atëherë është e qartë ardhmëria. Vota e deputetëve në Kuvend, duhet të jetë vota për vendosmëri që t’i përshpejtojmë proceset për anëtarësim përfundimtar në NATO dhe në BE. Presim që deputetët e VMRO-DPMNE-së ta respektojmë vendimin demokratik, ndërsa në të kundërtën duhet ta përdorim veglën tjetër, e kjo do të thotë zgjedhje të parakohshme parlamentare”, tha Zaev në konferencën për shtyp në Aleksdandar Pallas.
Shfaqi pritje se edhe krahas bojkotit të organizuar nga ana e VMRO-DPMNE-së shumica e madhe e qytetarëve të cilët kanë dalë në referendum e kanë zgjedhur rrugën evropiane.
“Pa dallim në bojkotin e organizuar nga ana e udhëheqësve të VMRO-DPMNE-së, me përjashtime të ndershme, pres se shumica e madhe e qytetarëve të cilët kanë votuar, e kanë zgjedhur rrugën evropiane për Maqedoninë”, thelsoi Zaev.
Shtoi se referendumi është vegla më e lartë demokratike dhje se vota e dhënë në referendum është përfundimtare, ndërsa vullneti i qytetarëve është i pacenueshëm dhe duhet të respektohet nga të gjithë.
