Zbulohet në Elbasan banesa ku ushtrohej prostitucion dhe shitej drogë, në pranga 4 të huaja

Është zbuluar këtë të enjte në Elbasan një objekt tre katësh ku ushtrohej prostitucion dhe shitje lënde narkotike. Sipas raportimeve nga policia, kanë

Është zbuluar këtë të enjte në Elbasan një objekt tre katësh ku ushtrohej prostitucion dhe shitje lënde narkotike.

Sipas raportimeve nga policia, kanë rënë në pranga 4 shtetase nga Kolumbia dhe Republika Domenikane, shtetaset B. M., 35 vjeçe, D. G., 27 vjeçe, L. M., 25 vjeçe dhe J. B., 33 vjeçe, të cilat ushtronin prostitucion dhe u shisnin kokainë klientëve.

“Specialistët e strukturave hetimore të Drejtorisë Vendore të Policisë Elbasan, në bashkëpunim me specialistët e seksioneve për Hetimin e Trafiqeve dhe për Mbështetjen Operacionale, si rezultat i një hetimi intensiv, me metoda proaktive, të kryer në koordinim me Prokurorinë e Elbasanit, me qëllim dokumentimin me prova ligjore të vënies së një objekti disakatësh, në lagjen “Visarjon Xhuvani”, në funksion të disa veprimtarive kriminale, finalizuan operacionin e koduar “Streha”.

Gjatë ndërhyrjes në objekt, u arrestuan në flagrancë shtetaset e huaja, B. M., 35 vjeçe, D. G., 27 vjeçe, L. M., 25 vjeçe dhe J. B., 33 vjeçe.

Nga hetimi rezultoi se ato ushtronin prostitucion në objektin 3-katësh, si dhe iu shitnin shtetasve që përfitonin nga kjo veprimtari kriminale, lëndë narkotike Kokainë dhe Cannabis Sativa.

Gjithashtu, nga hetimi u identifikua organizatori i këtyre veprimtarive kriminale, shtetasi A. T., 56 vjeç, për lokalizimin dhe kapjen e të cilit, Policia vijon intensivisht punën”, thuhet në njoftimin e policisë.

Materialet procedurale iu referuan Prokurorisë së Elbasanit, për veprime të mëtejshme.