Zgjedhjet në Kosovë, publikohen emrat e kandidatëve për deputetë të VV dhe LKD

Lidhja Demokratike e Kosovës ka publikuar listën e saj zgjedhore për zgjedhjet e 7 qershorit.

Sipas deklaratës së LDK-së, lista përbëhet nga 110 kandidatë që përfaqësojnë, sipas kësaj partie “idenë për një Kosovë me dinjitet, institucione të forta, zhvillim ekonomik dhe aleanca të fuqishme perëndimore”.

Në këtë listë ashtu siç u raportua, kryesuese është Vjosa Osmani, ndërsa pas numrit dhjetë mbetën dy ish- deputetët aktiv të LDK-së nga fusha e ekonomisë, Avdullah Hoti dhe Hykmete Bajrami. Hoti mban numrin 11 dhe Bajrami atë 12. Në listë bie në sy dhe emri i ish-deputetit të Partisë Demokratike të Shqipërisë, Kreshnik Çollaku.

Pak pas mesnatës edhe Lëvizja Vetëvendosje ka publikuar listën me emrat e kandidatëve për deputetë në zgjedhjet e 7 qershorit.

Në një postim në Facebook, VV thotë: “Lista e Lëvizjes VETËVENDOSJE! dhe partnerëve Me mbështetjen dhe ndihmën e qytetarëve do të punojmë që ta kemi listën fituese”.