Zjarr në katin e 9-të të një pallati në Durrës, 6 persona në spital me vështirësi në frymëmarrje

Një zjarr ka rënë mbrëmjen e së hënës në një pallat në zonën e Shkëmbit të Kavajës. Sipas njoftimit të policisë zjarri ka rënë në katin e 9-të të një pallati rreth orës 20:30. Zjarri fillimisht ka rënë në një apartmanet.

Përshkak të tymit, 6 persona janë transportuar në spital për të marrë ndihmë mjekësore, pasi kanë shfaqur vështirësi në frymëmarrje si pasojë e tymit. Ata janë jashtë rrezikut për jetën. Nga ndërhyrja e zjarrfikësve u bë e munduar vënia nën kontroll e situatës dhe shuarjes së flakëve.

‘Durrës / Informacion paraprak. Rreth orës 20:30, në katin e 9-të të një pallati, në zonën e Shkëmbit të Kavajës, ka rënë zjarr në një apartament në pronësi të shtetasit E. Sh. Menjëherë pas marrjes së njoftimit, në vendngjarje kanë shkuar shërbimet e Policisë dhe të MZSH-së.

Zjarri është shuar dhe situata është vënë nën kontroll. Sipas të dhënave paraprake, 6 shtetas janë transportuar në spital për të marrë ndihmë mjekësore, pasi kanë shfaqur vështirësi në frymëmarrje si pasojë e tymit. Ata janë jashtë rrezikut për jetën.

Grupi hetimor vijon punën për sqarimin e plotë të rrethanave dhe përcaktimin e shkakut të rënies së zjarrit’, njofton policia.