Zjarri djeg magazinën

Një zjarr ka rënë në orët e para të mëngjesit të sotëm në një pikë shumice në periferi të qytetit të Elbasanit në vendin e quajtur “NSHU”.

Flakët e zjarrit me përmasa të mëdha i kanë shkaktuar një dëm të madh ekonomik pronarit Skender Salla prej disa milion lekësh. Në vendin e ngjarjes kanë shkuar tre mjete zjarrëfikëse, që  kanë lokalizuar flakët që rrezikonin dhe objekte të tjera pranë magazinës.

Paraprakisht mendohet se shkak i zjarrit në magazine ka qënë një shkëndije elektrike. Hetimet vazhdojnë për të zbardhur të plotë rrethanat e zjarrit.