Zvicra, 15 milionë franga për vërshimet në Bosnjë dhe Serbi

Si pjesëmarrëse e konferencës së donatorëve, Zvicra është zotuar që të japë 15 milionë franga për zbutjen e pasojave të vërshimeve në këto dy vende

Vërshimet që kishin ndodhur në majin maj në Bosnjë e Hercegovinë dhe në Serbi, kishin shkaktuar vdekjen e rreth 60 personave ndërkohë që dëmet materiale janë shumë të mëdha.

Shumë vende të botës kanë ofruar ndihma materiale dhe njerëzore për zbutjen e pasojave shkatërruese.

Aktualisht në Bruksel, si kryeqendër e Bashkimit Evropian është duke u mbajtur një konferencë e donatorëve për ndihmë këtyre dy vendeve ballkanike.

Zvicra, si pjesëmarrëse e konferencës është zotuar që të japë 15 milionë franga për këtë destinim, shkruan srf.ch.

Të hollat që do të ndajë Zvicra do të shfrytëzohen për rindërtimin e godinave shkollore dhe qendrave shëndetësore të vendeve përkatëse.

Veç ndihmës së përmendur në të holla, Zvicra do të angazhohet edhe për masa afatgjata për parandalimin e vërshimeve në këto vende.

Gjatë kohës kur kanë ndodhur vërshimet, Zvicra kishte dërguar si ndihmë të menjëhershme 0.8 milionë franga.