Zv/kryeministrja Senida Mesi, Situatë normale e reshjeve në Shkodër
Zv/kryeministrja Senida Mesi dhe prefekti i Qarkut të Shkodrës, kanë inspektuar situatën në këtë qark, e cila rezulton normale.
“Sot në qarkun Shkodër paraqitet një situatë shumë normale. Nuk ka as reshje shiu. Problematika e djeshme ishte kjo zonë ku jemi në pikën kufitare të Muriqanit. Problematika ka edhe në Pukë në 2-3 pika atje”, tha zv/Kryeministrja Mesi.
Mesi theksoi se sot do të organizohet edhe mbledhja e radhës e Shtabit të Emergjencave në Prefekturë, në prezencën e krytarëve të bashkive, të drejtorive të policisë, sipitaleve, zjarrfikëseve dhe të gjithë personave të angazhuar.
Mesi shtoi se, qeveria nga ana e saj është plotësisht e angazhuar. “Zyra Operacionale raporton me bazë orari në çdo orë. Situata më problematike paraqitet për hir së vërtetës në jug”, tha zv/kryeministrja Mesi.
