Zyrtarizohet largimi i Gvozdenoviç nga Elbasani

Ivan Gvozdenoviç nuk është më trajner i Elbasanit. Pas paraqitjes së dorëheqjes nga ana e trajnerit serb, klubi verdheblu ka dalë me një deklaratë ku ka konfirmuar se gjithçka ka përfunduar. “E falënderojmë Ivanin për profesionalizmin, përkushtimin dhe kontributin e tij të çmuar gjatë këtij rrugëtimi. Rrugët tona ndahen, por historia që shkruam së bashku do të mbetet përgjithmonë”, thuhet ndër të tjera në njoftimin e klubit…

Njoftimi i klubit të Elbasanit:

FALEMINDERIT, IVAN GVOZDENOVIC! 💛💙

AF Elbasani njofton se trajneri Ivan Gvozdenovic ka paraqitur dorëheqjen e tij, vendim të cilin klubi e ka pranuar me respekt dhe mirëkuptim.

Së bashku kemi përjetuar momente të paharrueshme, kemi festuar suksese dhe kemi shkruar faqe të rëndësishme në historinë e klubit tonë.

E falënderojmë Ivanin për profesionalizmin, përkushtimin dhe kontributin e tij të çmuar gjatë këtij rrugëtimi.

Rrugët tona ndahen, por historia që shkruam së bashku do të mbetet përgjithmonë!

Faleminderit për gjithçka, Ivan! Të urojmë suksese në të ardhmen!

Ende nuk ka komente. Bëhuni i pari që komenton.