Maqedonia

Gjykatëses Lidija Nedellkova i merren lëndët që kanë të bëjnë me PSP-në

Jovo Vangellovski, kryetar i Gjykatës së Lartë, e ka tërhequr gjykatësen Lidija Nedellkova nga dy lëndë të Prokurorisë Speciale Publike (PSP), përcjell Telegrafi Maqedoni.

Sipas javores Fokus, Gjykata e Lartë e ka konfirmuar tërheqjen, mirëpo jozyrtarisht sipas kësaj javore, shkaku i tërheqjes ka qenë djali i saj, që ka qenë i angazhuar në PSP.

Në deklaratën e saj për Fokus, gjykatësja Nedellkova thotë se nuk ka qenë e informuar për tërheqjen e saj, duke shtuar se edhe fizikisht i janë marrë të gjitha lëndët që kanë të bëjnë me PSP-në. Sipas saj, marrja e lëndëve është e paligjshme.

PSP-ja thotë se djali i gjykatëses Nedellkova nuk është i angazhuar në PSP, mirëpo nuk thonë asgjë nëse më herët ka qenë i angazhuar.

Related Articles

Leave a Reply

Your email address will not be published. Required fields are marked *

Back to top button