21-vjeçari arrestohet në Ferizaj pasi publikoi video me armë zjarri
Policia në Ferizaj shoqëroi një 21-vjeçar me inicialet SH.M. pasi ai publikoi në rrjetet sociale një video ku shfaqej me armë zjarri. Gjatë kontrollit u konfiskua një pistoletë me gaz, ndërsa i dyshuari u lirua në procedurë të rregullt pas intervistimit.
Një 21-vjeçar me inicialet SH.M. u shoqërua nga policia në Ferizaj pasi publikoi në rrjetet sociale një video ku shfaqej me armë zjarri.
Rasti u zbulua më 21 shtator, kur Njësia e Hetimeve e Stacionit Policor të Ferizajt pranoi informacion se në rrjete sociale po qarkullonte një video ku i dyshuari shfaqej me armë zjarri. Pas verifikimit të informatave, zyrtarët policorë identifikuan dhe shoqëruan në stacion 21-vjeçarin.
Gjatë kontrollit, policia konfiskoi një pistoletë me gaz që i dyshuari e kishte në posedim. Me vendim të prokurorit të shtetit u inicua rast për veprën penale “mbajtje në pronësi, kontroll ose posedim të paautorizuar të armëve”.
Pas intervistimit, i dyshuari u lirua në procedurë të rregullt, ndërsa hetimet për rastin vazhdojnë.
Burimi: Klan Kosova
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.