741.446 turistë vizituan Maqedoninë e Veriut në shtatë muaj – Ministria e Kulturës dhe Turizmit për Ditën Botërore të Turizmit

Me rastin e Ditës Botërore të Turizmit, që shënohet më 27 shtator, Ministria e Kulturës dhe Turizmit njoftoi se Maqedoninë e Veriut e kanë vizituar 741.446 turistë në shtatë muajt e parë të vitit 2026. Sipas njoftimit zyrtar të ministrisë, gjatë kësaj periudhe janë realizuar gjithsej 1,76 milionë netëqëndrime.

Të dhënat e Entit Shtetëror të Statistikave, të cituara nga ministria, tregojnë se numri i turistëve është 1,5 për qind më i lartë krahasuar me të njëjtën periudhë të vitit 2025, ndërsa numri i turistëve të huaj është rritur me 1,3 për qind.

Siç njofton ministria, netëqëndrimet e turistëve të huaj janë 2 për qind më shumë se në shtatë muajt e parë të vitit të kaluar – një sinjal ky i rritjes së interesimit të vizitorëve të huaj për destinacionet e vendit.

Ndër turistët e huaj, më të shumtë në numër janë shtetasit nga Turqia, të ndjekur nga turistët nga Gjermania dhe Serbia, bëhet e ditur në njoftimin e Ministrisë së Kulturës dhe Turizmit.

Dita Botërore e Turizmit shënohet çdo vit më 27 shtator për të nxitur ndërgjegjësimin për rëndësinë e turizmit në zhvillimin ekonomik dhe kulturor të vendeve.