☁️
Tiranë 19°C · Vranët 18 Nëntor 2026
S&P 500 7,341 ▼1.03%
DOW 50,759 ▼1.64%
NASDAQ 24,328 ▼0.74%
NAFTA 83.97 ▼0.8%
ARI 3,773 ▼2.35%
💱 VALUTAT
EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720 EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720
₿ CRYPTO
BTC $64,293 ▼ -1.07% ETH $1,803 ▼ -0.92% XRP $0.9851 ▲ +1.22% SOL $74.6200 ▲ +1.58%
S&P 500 7,341 ▼1.03 % DOW 50,759 ▼1.64 % NASDAQ 24,328 ▼0.74 % NAFTA 83.97 ▼0.8 % ARI 3,773 ▼2.35 % S&P 500 7,341 ▼1.03 % DOW 50,759 ▼1.64 % NASDAQ 24,328 ▼0.74 % NAFTA 83.97 ▼0.8 % ARI 3,773 ▼2.35 %
EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720 EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720
18 Nën 2026
Breaking
Arte

82-vjetori i vrasjeve pa gjyq në Tiranë, homazhe për 39 viktimat dhe thirrje për zbardhjen e historisë

Me rastin e 82-vjetorit të vrasjeve pa gjyq në Tiranë dhe rrethinat e saj, Shoqata “Tirana” organizoi një aktivitet në nderim të 39 personave të vrarë nga 28 tetori deri më 16 nëntor 1944.

Në aktivitetin përkujtimor ishte e ftuar kryetarja e Autoritetit të Dosjeve, Gentiana Sula, e cila ftoi familjarët të bashkëpunojnë me AIDSSH-në për zbardhjen e ngjarjeve në kuadër të “Dialogut për Tiranën”.

Ajo kujtoi se ende, pas 82 vjetësh, ka familje që kërkojnë të dinë ku prehen njerëzit e tyre.

Në fjalën e saj, Sula iu referua edhe Historikut të Tiranës, një dokument i hartuar më vonë nga vetë Sigurimi i Shtetit. Sipas Historikut të Tiranës, që prej gushtit të vitit 1943, u ngrit një zyrë informative e cila krahas të dhënave për lëvizjet e pushtuesit, mblidhte informacion edhe për personat që Partia i cilësonte “armiq” dhe brenda rrethit të saj.

Para përfundimit të luftimeve për kryeqytetin, ishin ngritur tri qendra zbulimi, te Rrapi i Trishit, në Linzë dhe në Surrel.

Historiku citon edhe urdhrin e Enver Hoxhës të 17 nëntorit 1944, një ditë pas përfundimit të periudhës së vrasjeve që u përkujtuan në aktivitet. Urdhri kërkonte që Tirana të “spastrohej” nga personat e cilësuar “elementë të rrezikshëm” dhe “tradhtarë”. Sipas dokumentit, kontrollet që pasuan në lagje dhe banesa u kryen sipas listave të miratuara nga Komiteti Qarkor i Partisë. Deri më 26 nëntor ishin arrestuar rreth 300 veta.

Sula i ftoi familjarët të ndajnë me Autoritetin kujtimet, letrat dhe fotografitë që kanë ruajtur, si dhe të tregojnë çfarë ndodhi me familjet e tyre pas vrasjeve. Ajo tha se Autoriteti do t’i shqyrtojë dëshmitë krahas dokumenteve arkivore dhe do të bisedojë me familjarët se si dëshirojnë që këto histori të ruhen e t’u përcillen brezave të rinj.

“Dialogu për Tiranën” është një projekt i çelur në nëntor 2021 me ekspozitën dokumentare “Tirana në sytë e ish-Sigurimit të Shtetit”, për të cilën u deklasifikuan 8.200 fletë dokumente.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.