A janë në Maqedoni më shumë se 25% shqiptarë

Askush nuk e di dhe nuk ka të dhëna të sakta lidhur me numrin e shqiptarëve që jetojnë sot në Maqedoni. Numërimi i fundit i shqiptarëve është bërë që në vitin 2002, e atëherë, sipas anketës, shqiptarët përbënin 25.17 për qind të popullsisë.

Mirëpo, që kur është realizuar regjistrimi i fundit kanë kaluar 12 vjet dhe sigurisht që ka ndryshime në demografi. Lidhur me këtë çështje, kryeministri Gruevski i ka shkruar një letër Ahmetit, për nevojën e realizimit të këtij procesi statistikor.

Mirëpo, BDI-ja e Ali Ahmetit ende nuk ka kthyer përgjigje për një regjistrim të popullsisë të të gjithë Republikës së Maqedonisë.

Për një regjistrim të popullsisë është folur dhe më herët, por palët në koalicion asnjëherë nuk kanë rënë dakord, kryesisht prej faktit “se a duhet të numërohen qytetarët që jetojnë jashtë Maqedonisë”.