Afganistan, masakër në mes të dasmës, 20 viktima

Të paktën 20 persona janë vrarë dhe 10 të tjerë janë plagosur në një shkëmbim zjarri që është verifikuar gjatë zhvillimit të një dasme në provincën e Baglanit, në veri të Afganistanit.

Shumica e viktimave raportohet të jenë mysafirë të dasmës, të cilët variojnë nga mosha 14 deri në 60 vjeç.

Forcat afgane të sigurisë janë dërguar në vendin e ngjarjes, ndërkohë që autoritetet druhen se bilanci i viktimave mund të rritet.

Të shtënat filluan pasi i afërmi i një zyrtari policie mbeti i vrarë, tha një oficer i lartë i forcave të sigurisë për agjencinë e lajmeve “Associated Press”.

Sipas burimit, rreth 400 persona ishin mbledhur për të marrë pjesë në dasmë, ku po martohej djali i një mullahu. Mes tyre ndodheshin edhe dy grupe që prej kohësh jetonin në armiqësi.

“Kur mblodhëm trupat ishte e kishim të vështirë të përcaktonim se cilët ishin autorët e të shtënave dhe kush jo, sepse nuk gjetëm dot asnjë armë”, deklaroi oficeri i policisë.

Provinca e Baglanit vuan nga dhuna e talebanëve, si dhe nga trazirat të lidhura me konfliktet lokale mes fiseve si dhe mes bandave të ndryshme kriminale.