Aksident fatal në rrugën drejt Darëzezës, mjeti kthehet përmbys, humb jetën shoferi

Një aksident me pasojë vdekje është regjistruar mesditën e sotme në rrugën e re drejt Darëzezës.

Sipas informacioneve paraprake, një automjet ka dalë nga rruga si pasojë e shpejtësisë tej normave të lejuara dhe ka përfunduar i përmbysur në kanalin anësor. Për shkak të përplasjes së fortë, drejtuesi i mjetit ka humbur jetën në vendngjarje.

Menjëherë pas aksidentit kanë mbërritur shërbimet e policisë dhe forcat zjarrfikëse, të cilat po punojnë për nxjerrjen e trupit nga automjeti, i cili është shkatërruar plotësisht.

Ndërkohë, grupi hetimor ka nisur punën për zbardhjen e plotë të shkaqeve të aksidentit fatal.

Njoftimi i policisë:

Fier/Informacion paraprak

Në aksin rrugor “Fier–Darëzezë”, shtetasi G. Ç., 37 vjeç, duke drejtuar automjetin, dyshohet se ka humbur kontrollin mbi drejtimin e mjetit dhe ka dalë nga rruga.

Si pasojë e daljes së automjetit nga rruga, drejtuesi i automjetit, shtetasi G. Ç., ka humbur jetën në vendngjarje.

Grupi hetimor po punon për sqarimin e plotë të rrethanave dhe shkakut të aksidentit si dhe kohën e ndodhjes se ngjarjes.