Ambasadori amerikan, Donald Lu, viziton qytetin e Elbasanit
Ambasadori amerikan, Donald Lu, pas ardhjes ne Tirane, ka zgjedhur te zhvilloje viziten e pare jashte kryeqytetit shqiptar ne qytetin e Elbasanit.
Ne viziten e tij ne kete qytet sot, ai eshte pritur nga kryetari i Bashkise, Qazim Sejdini, i cili i ka bere nje pershkrim te qytetit.
Takimi në zyrën e këtij të fundit zgjati për rreth një ore dhe sipas Sejdinit, ky takim ishte mjaft miqësor. Ambasadori Donald Lu, pasi kanë shkëmbyer dhuratat tradicionale, ka deklaruar se “jam shumë i kënaqur që udhëtimin tim të parë jashtë kryeqytetit e bëj në Elbasan. Historia e pasur e Elbasanit dhe bukuria e tij janë shumë të njohura”.
Ndërsa kreu i bashkisë, Sejdini, pasi falënderoi ambasadorin amerikan për këtë vizitë, tha se “gjatë bisedës me ambasadorin biseduam për problemet e qytetit, për zhvillimin ekonomik, për planet e mëtejshme të reformës së re territoriale, për zgjedhjet si dhe shumë probleme të tjera që kanë të bëjnë me jetën e qytetit. U kam thënë se Elbasani do të jetë krejt mdryshe në katërvjecarin që vjen”, tha Sejdini.
Më pas, ambasadori amerikan dhe kryetari i Bashkisë së Elbasanit kanë zhvilluar një vizitë në qytet për t’u njohur nga afër me historikun e tij. Ata u ndalën fillimisht në Monumentin e Arsimit, për të vijuar më pas në Bazilikën e Bezistanit, monumentin e partiotit Aqif Pasha dhe kalanë e qytetit.
