Arrest shtepie per Tom Doshin

Pas një seance maratonë Gjykata e Lartë vendosi të lërë në “arrest shtëpie” edhe deputetin Tom Doshi. Seanca e tij u zhvillua pas asaj të kolegut Mark Frroku. Doshi qëndroi në një nga dhomat e Gjykatës së Lartë gjatë kohës që po zhvillohej procesi tjetër nga e njëjta trupë gjykuese. Seanca për Doshin nisi rreth orës 13.00 dhe përfundoi rreth orës 15.30. Avokatët mbrojtës thanë se “arresti me burg” është një masë ekstreme për këto akuza kaq të lehta si “shpifja”. Më pas trupi gjykues u tërhoq për të marrë vendim.

Doshi doli i qeshur nga Gjykata ndërsa disa mbështetës dhe familiar të tij kanë duartokitur dhe përshëndetur deputetin e Shkodërs. Doshi nuk ka bërë asnjë deklaratë ndërsa ata që kanë folur kanë qenë avokatët.

Sipas avoaktit Vladimir Meçi ky vendim do të apelohet edhe në Gjykatën Kushtetuese apo në Gjykatën e Strazburgut për të kërkuar lirimin e klientit të tyre. Avokatët thanë se pretendimet e prokurorisë janë të pabazuara dhe akuzat nuk qëndrojnë