Arrestohen katër persona për gjueti të kundërligjshme në Korishë të Prizrenit, sekuestrohen tri armë
Dy shtetas të Kosovës dhe dy të Shqipërisë u arrestuan në fshatin Korishë të Prizrenit pasi u hasën duke gjuajtur në mënyrë të kundërligjshme; policia sekuestroi tri armë gjahu, një qen gjuetie dhe një fazan të vrarë.
Katër persona janë arrestuar në fshatin Korishë të Prizrenit, nën dyshimin për gjueti të kundërligjshme dhe posedim të paautorizuar të armëve, siç njofton Indeksonline, duke iu referuar raportit të Policisë së Kosovës.
Sipas raportit të policisë, rasti ka ndodhur më 18 tetor, rreth orës 10:05, kur dy të dyshuar, shtetas të Kosovës, dhe dy të tjerë, shtetas të Shqipërisë, janë hasur duke zhvilluar gjueti të kundërligjshme në këtë zonë.
Gjatë kontrollit në veturën e tyre, policia ka gjetur dhe sekuestruar tri armë gjahu, një qen gjuetie, si dhe një shpend — fazan i vrarë.
Me vendim të prokurorit, pas intervistimit, të katër të dyshuarit janë dërguar në mbajtje, ndërsa rasti po trajtohet nga organet e drejtësisë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.