Arrestohet në Prishtinë një person i kërkuar për “vjedhje të rëndë”
42-vjeçari B.A., i dënuar me katër vjet burgim, dërgohet në vuajtje të dënimit
Zyrtarët policorë të Stacionit Veriu në Prishtinë kanë arrestuar një person të kërkuar për veprën penale “Vjedhje e rëndë”.
Sipas njoftimit të Drejtorisë së Policisë së Kryeqytetit, bëhet fjalë për B.A., 42 vjeç, ndaj të cilit gjykata kishte shpallur dënimin me katër vjet burgim për këtë vepër penale.
Arrestimi i tij u realizua në kuadër të punës së vazhdueshme të policisë për kapjen e personave të kërkuar nga organet e drejtësisë.
Pas arrestimit dhe përfundimit të procedurave të nevojshme policore, B.A. është dërguar në vuajtje të dënimit, në përputhje me vendimin e gjykatës.
Burimi: Klan Kosova
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.