Arrestohet një person në Lipjan nën dyshimin për vrasje në tentativë

Një burrë është arrestuar në Lipjan të dielën rreth orës 19:00, nën dyshimin për kryerjen e veprës penale të vrasjes në tentativë, siç njofton KosovaPress.

Sipas policisë, i dyshuari sulmoi fizikisht një burrë tjetër pas një mosmarrëveshjeje mes tyre. I lënduari është dërguar për trajtim mjekësor në Qendrën Klinike Universitare të Kosovës.

Me vendim të prokurorit, i dyshuari është dërguar në mbajtje, ndërsa policia e ka cilësuar rastin si “Vrasje e rëndë në tentativë”, raporton KosovaPress.

Një incident pothuajse i ngjashëm ndodhi edhe në Prishtinë të dielën, por ky i fundit është cilësuar nga policia vetëm si sulm, jo si vrasje në tentativë. Policia ka njoftuar se në kryeqytet viktima u sulmua fizikisht nga një i dyshuar i panjohur, për çka është njoftuar prokurori dhe rasti po hetohet.