Barcelona-Flick, bashkë deri më 2028: Jam në vendin e duhur, tani dua Champions-in

Hansi Flick do të vazhdojë aventurën me Barcelonën deri në vitin 2028, me opsion edhe për një sezon tjetër. Vetë trajneri gjerman e konfirmoi marrëveshjen në konferencë për shtyp: “Jam shumë i lumtur si për veten, ashtu edhe për stafin tim. Shumë trajnerë do të ishin të kënaqur me kontrata 3, 4 apo 5-vjeçare, por te Barça është e drejtë të ketë kufij dhe e vlerësoj këtë”.

Flick shpjegoi edhe detajet e marrëveshjes: “Do të vazhdojmë deri më 2028 dhe më pas do të shohim. Nëse gjithçka shkon mirë, mund të qëndrojmë edhe një vit tjetër. Klubi dhe unë kemi të drejtën për këtë, është një marrëveshje shumë e mirë”.

Në fund, ai foli edhe për objektivin madhor europian: “Të gjithë te Barcelona ëndërrojnë të fitojnë Champions League. Do të përpiqemi sërish. Jam mirënjohës për besimin që më është dhënë për të punuar këtu edhe për disa vite”.