Barcelona gjen akordin me vetë Julián Álvarez, tani duhet bindur klubi “rojiblanco”

Barcelona ka hyrë fuqishëm në merkato. Të mërkurën pasdite mbylli në mënyrë jozyrtare afrimin e Anthony Gordon dhe në mbrëmje avancoi në një takim me agjentin e tij për të firmosur me Julián Álvarez. Klubi katalanas tani duhet të negociojë me Atlético Madridin dhe po planifikon sezonin 2026-27 me ambicie të qartë për Champions League.

Interesi për Álvarez ka nisur prej muajsh dhe mbetet konstant. Në një takim ku morën pjesë Deco dhe njerëz pranë Joan Laporta, u konfirmua dëshira e lojtarit për t’u bashkuar me Barcelonën. Të dyja palët kanë shprehur vullnet për marrëveshje.

Megjithatë, Barcelona ende nuk ka bërë ofertë zyrtare për Atlético Madridin, që nuk ka dëshirë ta shesë. Klubi madrilen e di prej muajsh interesin dhe nuk ka marrë ofertë formale. Sipas kërkesave të Atletico Madridit, operacioni nuk do të jetë nën 150 milionë euro. Barça po bën llogaritë, sidomos pasi do të paguajë 70 milionë, plus 10 milionë euro bonuse për Gordon, por nuk po dorëzohet.