Basha: Me Ramën s’ka dritë në fund të tunelit, përkeqësim në çdo drejtim

Kryetari i Partisë Demokratike, Lulzim Basha, mori pjesë në Kuvendin Zgjedhor të PD-së në Elbasan.
Mungesa e shpresës me këtë mazhorancë, tha Basha, është togfjalëshi që po shoqëron sot të gjithë shoqërinë.

Kryetari i PD-së theksoi se situata e rëndë ekonomike, pasiguria për jetën dhe pronën, cënimi i standardeve demokratike është ajo që ofron mazhoranca sot, larg propagandës.

“Përkeqësim në rend, përkeqësim në siguri, përkeqësim në ekonomi, mekje, ngricë, asnjë dritë në fund të tunelit. Mungesa e shpresës është togfjalëshi më i shpeshtë në gojën e të rinjve të Elbasanit dhe të gjithë Shqipërisë. Sipërmarrja është në goditje të vazhdueshme të taksave më të larta dhe të pasigurisë ligjore dhe ndjehet në kufinjt e mbijetesës dhe të falimentimit e po derdh në rrugë të papunë çdo ditë, numri i vrasjeve, i tentativave për vrasje, i grabitjeve, i sulmeve kundër jetës dhe pronës së qytetarëve është rritur muaj për muaj krahasuar me muajt pararendës të vitit 2013, vit i vështirë sepse ishte vit elektoral”, tha Basha.

Basha ka theksuar se emërimeve në poste drejtuese të elementëve me precedent kriminale, demokratët duhet t’u përgjigjen duke zgjedhur në postet drejtuese më të mirët dhe më të përkushtuarit