Basha me raporterët e KiE: Kanabizimi i vendit, marrëveshje e kryeministrit me krimin

Kreu i Partisë Demokratike Lulzim Basha është takuar me bashkëraporterët e Këshillit të Europës, Andrej Hunko dhe z. Joseph O’Reilly, ku i shprehu shqetësimin e tij lidhur me situatën në vend.

Basha është shprehur se  “kanabizimi i vendit me shpejtësi të madhe është pasojë e marrëveshjes së Kryeministrit me segmentet kriminale, që çoi edhe në kriminalizimin e parlamentit dhe administratës. Përhapja dramatike e sipërfaqeve të mbjella me kanabis u vërtetua nga vëzhgimet ajrore dhe nga tonelatat e kanabisit të kapura në Itali dhe Greqi, është bërë tashmë temë e mediave prestigjioze ndërkombëtare dhe shqetësim për sigurinë e vendeve të BE-së”.

Kreu i PD tha më tej se segmente të caktuara të policisë kanë lidhje me politikanë të lartë, përfshirë dhe ministrin e Brendshëm, dhe zotërojnë qindra miliona euro dhe rrjet të sofistikuar. “Kjo përbën kërcënim për sigurinë e vendit por edhe më gjerë, sepse bashkëpunimi i këtyre organizatave me terrorizmin ndërkombëtar kërcënon sigurine e rajonit dhe te vendeve europiane”, tha Basha.

Për kryedemokratin kjo përbën‎ rrezikun më të madh për zgjedhjet e ardhshme. Rama ka bllokuar zbatimin e ligjit të dekriminalizimit dhe shembull janë Rroshi, Bushi, Prenga e dhjetëra drejtues tre posteve kyçe në administratë dhe polici. “ëse nuk zbatohet ligji i dekriminalizimit dhe nuk ndërmerren veprime energjike, nën presion ndërkombëtar, për ndalimin e kultivimit dhe trafikimit të kanabisit është e pamundur që vitin e ardhshëm të zhvillohen zgjedhje”, është shprehur ai më tej.

Basha shprehur shqetësimin për legjitimitetin e zgjedhjeve të ardhshme që sipas tij, cënohet rëndë pasi “Rama ka vonuar dhe bërë të pamundur reformën zgjedhore tashmë që pas një muaji fillojnë përgatitjet zgjedhore”.