Basha prezanton platformën e Qeverisë tranzitore: Vendi në kolaps

Kreu i Partisë Demokratike, Lulzim Basha gjatë prezantimit të platformës për zgjedhje të lira dhe të ndershme, si detyrë kryesore të Qeverisë tranzitore nuk ka kursyer akuzat ndaj Qeverisë së kryeministrit Edi Rama, e cila sipas tij ka çuar vendin në një kolaps të thellë kushtetues.

Basha, ndër të tjera, theksoi se vendi ndodhet jo vetëm në një kolaps institucionesh por edhe në një kolaps ekonomik, e cila sipas tij ka sjellë edhe largimin e shumë të rinjve nga vendi.

Kolapsi i ekonomisë ka sjellë shkatërrimin e qindra mijëra vendeve të punës. Shëndetësia është në krizën më të thellë. Ka 2 arsye për këtë. Arsyeja e parë, produkti i bashkëpunimit me krimin e organizuar, i blerjes së votës. Kjo Qeveri dhe pseudo-mazhorancë nuk ka ardhur si produkt i votës së lirë, kanë ardhur si produkt i bashkëpunimit me krimin dhe një grusht oligarkësh. Kur vjen në pushtet me një grusht kriminelësh kur e lidh fatin me kriminelët nuk të bëhet vonë për qytetarët.

Arsyeja 2 është se ndryshe nga ç’parashikon sistemi , këtu të gjitha pushtetet janë në një dorë. Pra nuk është parlamenti që kontrollon qeverinë,është qeveria që kontrollon parlamentin. Kemi folur në tryezat e mëparshëm për nevojën për të kaluar këtë krizë, për një transformim të thellë për t’i dhënë fund tranzicionit të tejzgjatur të funksionimit të Drejtësisë dhe mbështetjen sociale të shtresave në nevojë për të sjellë standartet në shëndetësi dhe arsim.”-u shpreh Basha.