“Jam i fiksuar pas saj”, Brooklyn Beckham del publikisht në mbrojtje të Nicola Peltz

Brooklyn Beckham ka reaguar ndaj kritikave në rrjetet sociale, duke dalë sërish publikisht në mbrojtje të bashkëshortes sëtij, Nicola Peltz. Djali i David dhe Victoria Beckham ka zgjedhur një mesazh të drejtpërdrejtë për të gjithë ata qëkomentojnë marrëdhënien dhe jetën private të çiftit.

27-vjeçari publikoi të premten në Instagram Stories një fotografi të aktores 31-vjeçare, të shoqëruar me një dedikim që nuk kaloi pa vëmendje.

“Po, jam i fiksuar pas bashkëshortes sime. Le të vijnë komentet, nuk më intereson. Ajo është perfekte”, shkroi Brooklyn,duke shtuar edhe një emoji me gishtin e mesit dhe një zemër të kuqe.

Reagimi i tij erdhi vetëm pak ditë pasi ai kishte publikuar një tjetër dedikim romantik për Nicola-n, ku e cilësonte atë si personin më të rëndësishëm në jetën e tij.

“Ti je gjithçka për mua. Je e gjithë bota ime, shoqja ime më e mirë dhe personi më i rëndësishëm në jetën time. Ndihemme fat që mund të të dua dhe të kaloj gjithë jetën pranë teje”, kishte shkruar ai.

Megjithatë, deklarata romantike nuk u prit vetëm me komente pozitive. Disa ndjekës reaguan me ironi, duke komentuar marrëdhënien e tij me familjen dhe raportin e tensionuar me prindërit, David dhe Victoria Beckham.

Nuk është hera e parë që Brooklyn reagon ndaj komenteve negative për bashkëshorten e tij. Në muajin gusht, ai iu përgjigj ashpër një përdoruesi të Instagramit, i cili kishte komentuar pamjen fizike të aktores dhe kishte lënë të kuptohej se ajo duhej të ushqehej më shumë.

“Mos guxo të flasësh për bashkëshorten time. Ajo është absolutisht e bukur dhe nuk duhet të komentosh kurrë trupin e një gruaje. Është e turpshme”, ishte përgjigjur ai.

Ndërkohë, pamja e Nicola-s kishte tërhequr vëmendjen e fansave edhe më herët, për shkak të ndryshimit fizik dhe humbjes së dukshme në peshë. Megjithatë, sipas një burimi të cituar në raportimet mediatike, transformimi i saj lidhej me përgatitjet për rolin në filmin e ardhshëm dramatik Prima.