Basha: Protesta popullore, gjërat po shkojnë keq e më keq. Qeveria të ndryshojë, ose do ta ndalim

“Shteti është bërë më shurdh se kurrë dhe problemi është se mungon, jo vetëm dëgjesa, por ligji. Ju bëj ftesë edhe ju për të thënë se gjerat janë keq e më keq po shkojnë keq e më keq, dhe së dyti për t’i dhënë mesazhin qeverisë të ndryshojë, se do ta ndalim me forcën e sovranit”.

Keshtu ka deklaruar sot kreu i opozitës Lulzim Basha, gjate nje takimi per grate sipermarrese, duke theksuar se “papunësia po mbërrin në nivele alarmante dhe shumë mesazhe janë duke i ardhur përditë, kryesisht nga gra, për shkak të mungesës së punës ose humbjes së punë”.

Sipas Bashes, ligji nuk vendoset me terror, por në një shoqëri të hapur duhet dialogu, marrëveshja, bashkëpunimi.

“Sot të bësh biznes kërkon kurajo të madhe, të flasësh për biznes kur njerëzit luftojnë për mbijetesë është e vështirë, biznesi është sot më i kërcënuar se kurrë qytetarët më të varfër, është më keq në çdo kush. Ky është konstatim i çdokujt. 1 në 3 shqiptarë i zhytur në borxhe për konsumin e ditës, për bukën e gojës. Papunësia ka arritur në një nivel alarmant prej 20%, po prek të rinjtë dhe gratë, dhjetëra mesazhe marr në ditë prej grave të gjendura në mes të rrugës, pa alternativë për bukën e gojës”, tha Basha.