⛅
Tiranë 15°C · Pjesërisht vranët 20 Nëntor 2026
S&P 500 7,040 ▼1.89%
DOW 48,867 ▼0.47%
NASDAQ 23,108 ▼3.23%
NAFTA 81.91 ▼0.64%
ARI 3,548 ▼3.74%
💱 VALUTAT
EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727 EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727
₿ CRYPTO
BTC $59,523 ▼ -5.33% ETH $1,644 ▼ -7.1% XRP $0.9115 ▼ -6.03% SOL $69.3600 ▼ -5.32%
S&P 500 7,040 ▼1.89 % DOW 48,867 ▼0.47 % NASDAQ 23,108 ▼3.23 % NAFTA 81.91 ▼0.64 % ARI 3,548 ▼3.74 % S&P 500 7,040 ▼1.89 % DOW 48,867 ▼0.47 % NASDAQ 23,108 ▼3.23 % NAFTA 81.91 ▼0.64 % ARI 3,548 ▼3.74 %
EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727 EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727
20 Nën 2026
Breaking
Opinion

Bashkimi i rremë; pse e dëmton më shumë opozitën!

Nga Ylli Pata

Prej një viti tashmë, qoftë PD e Sali Berishës, qoftë opozita e re, tentuan me të gjitha mënyrat që të provokojnë një krizë qeverie, duke përfituar nga disa faktorë të jashtëm, të cilët janë shumë të fuqishëm.

Me gjithë ndihmën e këtyre faktorëve laramanë që vinin nga Perëndimi dhe Lindja, duket se deri tani situate ka sjellë disa cifla mazhorance të dalë nga masa e madhe politike që doli nga zgjedhjet e 11 majit 2025.

E si i thonë fjalës më mirë pak se asgjë, e gjithë opozita, po vjen në një situatë më të galvanizuar për zgjedhjet e 9 majit 2027, edhe pse nuk shkuan në konsultimet me Presidentin për datën, me logjikën e qëndrestarit.

Situata është e tillë; mjedisi opozitar është goxha i galvanizuar si pasojë edhe aktivizmit të protestave të gjata. Kryesisht pjesa më aktive e tyre, ndaj janë gati për një betejë elektorale.

Por pyetja që shtrohet se a mjafton ky mjedis, i cili nuk është aq i madh për të mobilizuar edhe pjesën tjetër të elektoratit për të rritur konsensusin.

Pikërisht këtu është e gjithë çështja, ndaj vlen fushata elektorale. Mënyra e fushatës, prezantimi në publik, kandidati dhe idetë politike janë mjete që thithen nga njerëzit, së paku ai që quhet elektorati gri.

Gjë që nuk do të jetë e lehtë, pasi djegia e Tiranës do të jetë pjesë dhe kryq i rëndë për protagonistët e opozitës që nuk u distancua nga ajo që ndodhi.

Megjithatë, ka një debat që po zhvillohet në lidhje me tezën e një bashkimi të opozitës në një kandidat të përbashkët.

Një Bashkim i tillë, nuk është gjë tjetër veçse një Bashkim i rremë, i cili mund të shkërmoqet nga momenti në moment, siç ndodhi me rastin e koalicionit ndërmjet Nismës Thurje dhe partisë së Adriatik Lapajt, që gati sa s’i hyn në dru njëri tjetrit.

Ndërkohë dhuna verbale ndërmjet Lapajt dhe Gazment Bardhit në studion e Fevziut, është dëshmi e një mjedisi acid të fortë në këtë pjesë politike.

Ndaj, logjika më normale do të ishte që qoftë PD, qoftë opozita tjetër të ketë kandidatët e saj, t’i ketë seriozë dhe të përgatitur për të kërkuar votat e elektoratit të tyre në fillim dhe më pas pjesës tjetër.

Nëse, qoftë në Tiranë, qoftë në bashkitë e tjera, e gjitha kjo opozitë merr votat e saj dhe hyn me forcat e saj në këshillat bashkiakë, si dhe ka votat për kandidatët, kjo është rruga më e mirë politike për të shtruar rrugën e një alternative.

Të një procesi politik, i cili siç dihet nuk është një shock terapy, siç tentuan ta kryejnë, por një maratonë e plotë politike për të ndërtuar diçka. Secila në pjesën e vet, e kështu të jenë të gatshëm për betejën e radhës të 2029, e cila gjithashtu do të ketë kontekstin dhe veçantitë e saj. Ndërkohë kandidatët që janë stërvitur në zgjedhjet locale, edhe mos fitofshin janë gati për garën e deputetëve. Rrugët e shkurtra siç ndodhi me muajt e javët e fundit, krijojnë gjithashtu pasoja traumatike, jo politike.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.