BE konfirmon për Euronews Albania: IBAR ka kaluar në COELA

Burime nga Bashkimi Europian konfirmojnë për Euronews Albania se drafti i IBAR ka kaluar sot në grupin e punës COELA, duke shënuar një tjetër hap të rëndësishëm në procesin e integrimit europian të Shqipërisë.

Sipas burimeve nga BE, COELA ka arritur një marrëveshje mbi draftin e qëndrimit të përkohshëm të përbashkët të BE-së (EUCP), çka nënkupton se dosja pritet të kalojë nesër pasdite për miratim në nivelin e ambasadorëve të vendeve anëtare në COREPER.

Pas këtij hapi procedural, pritet që në ditët në vijim të konfirmohet zyrtarisht edhe mbajtja e Konferencës Ndërqeveritare (IGC).

Kalimi i draftit në COELA konsiderohet një zhvillim pozitiv në kuadër të avancimit të procesit të negociatave të Shqipërisë me Bashkimin Europian.