Begaj uron Irlandën për Presidencën e BE-së: Shpresojmë të çojë përpara anëtarësimin e Shqipërisë

Presidenti Bajram Begaj ka uruar Irlandën për marrjen e Presidencës së Këshillit të Bashkimit Evropian, duke shprehur besimin se zgjerimi i BE-së do të mbetet një nga prioritetet kryesore gjatë mandatit të saj.

Në një postim në rrjetet sociale, Begaj thekson se Shqipëria shpreson në një angazhim të mëtejshëm për avancimin e procesit të anëtarësimit në Bashkimin Evropian.

“Jemi të inkurajuar që zgjerimi i BE-së mbetet një nga prioritetet kryesore dhe shpresojmë në angazhimin për çuarjen përpara të procesit të anëtarësimit të Shqipërisë”, shkruan Presidenti në rrjetet sociale.

Sipas tij, Presidenca irlandeze do të kontribuojë edhe në forcimin e unitetit, vlerave dhe sigurisë së Evropës.