“Berisha po tenton të bëhet zëri i protestës”- Deputeti Erjo Mile: Pedagogët po përdoren nga PD-ja, ata në shesh nuk

Deputeti i Partisë Socialiste, Erjo Mile, i ftuar në “Tirana Live” komentoi protestën në Tiranë, e cila vijon prej tetë ditësh dhe pavarësisht thirrjes për dialog nga kryeministri Edi Rama ata zgjodhën sërish të refuzojnë.

Ai theksoi se Sali Berisha po tenton të bëhet zëri i protestës, ndërsa theksi se pedagogët që dolën sot në protestë janë një strukturë e Partisë Demokratike.

“Kryeministri ka ftuar në dialog, ku të duan dhe si të duan. Kjo protestë nuk ka një kokë, nuk ka një përfaqësues të saj, dhe nuk kanë artikuluar kërkesat e tyre të argumentuara, protestuesit mbajnë qëndrim radikal politik.

Berisha po tenton të bëhet zëri i protestës. Ata që janë në shesh realisht nuk janë studentë. Kemi duke protestuar fëmijë dhe të rinj. Ka pedagogë me lidhje të forta politike që po përpiqen ta përdorin këtë protestë në favor të Partisë Demokratike. Këtu kemi të bëjmë me një strukturë të PD-së, e cila është e atashuar pranë universiteteve dhe ka dalë të mbështesë protestën në emër të Partisë Demokratike”, tha ai.

Sipas tij, protestuesit nuk kanë artikulim për kërkesa e tyre, të cilat duan zgjidhje politike.

“Këto protesta kërkojnë destabilitet. Në Europë po aplikohen masa parandaluese. Ne kemi protesta që nuk artikulojnë kërkesa politike. Nuk ka artikulim. Ka fëmijë dhe të rinj, një pjesë të ardhur, sepse është bërë trendi të vish dhe të dalësh në TikTok”, tha ai.