Protestat në Shqipëri dhe Europë, reagon shefi i OKB-së për të Drejtat e Njeriut: Ulni tensionet

Shefi i OKB-së për të Drejtat e Njeriut, Volker Turk ka reaguar lidhur me protestat në Shqipëri, Belgjikë, Francë, Itali dhe Portugali. Turk ka dënuar çdo akt dhune të ndodhur gjatë protestave dhe u ka bërë thirrje të gjithë palëve të përfshira që të ulin menjëherë tensionet dhe të shmangin përshkallëzimin e mëtejshëm.

Sipas zyrtarit të lartë të OKB-së, rruga më e mirë është përmes një dialogu gjithëpërfshirës dhe të sigurt.

“Dënoj të gjitha aktet e dhunës dhe u bëj thirrje të gjithë të përfshirëve të ulin tensionet dhe të parandalojnë dhunën e mëtejshme. Rruga më e mirë dhe e vetme përpara është dialogu gjithëpërfshirës dhe i sigurt”, shkruan ai.

“Shtetet duhet të angazhohen me protestuesit, veçanërisht me të rinjtë, në dialog kuptimplotë, gjithëpërfshirës dhe konstruktiv, dhe të ndërmarrin hapa konkretë për të adresuar shqetësimet legjitime dhe themelore të të drejtave të njeriut lidhur me arsimin, shërbimet publike, strehimin, rritjen e kostos së jetesës dhe pabarazinë”, shtoi Turk.

UN Human Rights Chief @volker_turk says the mass protests across Albania, Belgium, France, Italy and Portugal are raising human rights concerns. “I condemn all acts of violence, and call on all of those involved to reduce tensions and prevent further violence. The best and only… pic.twitter.com/6QgMZjsZN5