Bisseck ndryshon agjent dhe hap skenarë të rinj. Bayern Munich i interesuar, zikaltrit vendosin çmimin

E ardhmja e Yann Bisseck po bëhet një nga temat kryesore të verës për Interin. Mbrojtësi gjerman është bashkuar me agjencinë “Giovanni Branchini e Associati”, siç u njoftua zyrtarisht në rrjetet sociale.

Yusuf Kandemir do të vazhdojë ta ndjekë lojtarin, por hyrja në një agjenci me ndikim të madh në tregun ndërkombëtar hap skenarë të rinj. Interi e bleu në vitin 2023 nga Aarhus për rreth 7.2 milionë euro dhe sot e vlerëson rreth 40 milionë euro, duke synuar “plusvalencë” të madhe.

Bisseck pritet të jetë pjesë edhe e planeve të Gjermanisë për Botërorin e ardhshëm, ndërsa ka interes nga klube të huaja. Verën e kaluar Crystal Palace ofroi mbi 30 milionë euro, por oferta u refuzua.

Vëmendja kryesore është te Bayern Munich, ku problemet e Kim Min-Jae mund të hapin vend për një përforcim në mbrojtje. Interi, ndërkohë, ka propozuar rinovim deri më 2030 me pagë 2.5 milionë euro, por marrëveshja nuk është finalizuar. Në rast largimi, çmimi është fiks: 40 milionë euro.